A arquitectura de Vignola e Giacomo della Porta na igrexa

A obra de Vignola e a súa influencia

A obra de Vignola, verémola reflectida no interior do edificio. Debido a certas novidades que este integrou, a converterán nunha gran influencia futura.

Estrutura interior da igrexa

A igrexa ten planta de cruz cunha anchísima nave central na que desaparecen as naves laterais, sendo sustituídas por cápelas. Os brazos do transepto, á súa vez, son moi estreitos. Esta nave está cuberta por unha enorme bóveda de canón sen decoración que será sostida por uns enormes contrafortes no exterior, necesarios tamén polos grandes ventás que o autor integra nesta obra.

Elementos sustentantes e cruceiro

Os elementos sustentantes das igrexas renacentistas son sustituídos por piares con pilastras dobres de orde corintia. Estas pilastras sosterán un enorme entaboamento que potenciará o sentido lonxitudinal do edificio.

No cruceiro haberá unha gran cúpula sobre pechinas que se apoia en catro grandes pilares. Tampouco consta de decoración e contará con grandes ventás que converterán esa zona na máis iluminada da igrexa.

O presbiterio

O edificio rematará no presbiterio elevado sobre un zócalo e cuberto por unha bóveda de cuarto de esfera.

A fachada de Giacomo della Porta

Á morte de Vignola, a fachada da igrexa será feita por Giacomo della Porta. Esta convértese nun modelo para o movemento seguinte, o Barroco. Está claramente inspirada en Santa María Novella de Alberti, pero aporta certas novidades.

Organización e estrutura da fachada

Está organizada en dous pisos, coronados por un enorme frontón triangular. O piso inferior consta de 5 rúas separadas por unha serie de dobres pilastras xigantes de orde corintia, e que terá a anchura de todo o interior da igrexa.

• Rúa central: Haberá unha gran porta coroada por un frontón curvo.
• Rúas adxacentes: Habería dúas portas rematadas por un frontón triangular. Encima delas, unhas hornacinas para imaxes relixiosas.

O segundo andar terá só tres rúas, organizadas do mesmo xeito ca as do piso inferior, pero con pilastras de orde xónica. A súa anchura sería exactamente a da nave central. A diferenza de anchura entre ambos os pisos será ocupada por dúas alas en forma de voluta.

Detalles arquitectónicos superiores

Entre ambos os pisos haberá dous niveis de entaboamento e, entre eles, un gran frontón triangular coroado por outro frontón curvo.